Bonaire stelt hondenvanger aan en lapt daarmee alle aanbevelingen van de Wereld Gezondheid Organisatie aan zijn laars.

Rescue-organisaties op Bonaire zijn boos, terecht vind ik. Er is een hondenvanger aangesteld die de straten afstruint naar loslopende honden en zwerfhonden. Hij vangt de honden en brengt ze naar het asiel. Daar worden ze 3 dagen bewaard, daarna worden ze afgemaakt. En dit stuit de rescueers tegen de borst. Het systeem wat nu gehandhaafd word druist dwars tegen alle wetenschappelijke onderzoeken in. Een systeem waar totaal niet over nagedacht is en valt onder korte termijn denken. Het is onacceptabel dat er minimaal 100 dieren per maand worden afgemaakt terwijl het NIKS gaat oplossen.

foto0031-2Vele voorbeelden over de hele wereld hebben aangetoond dat grootschalig afmaken niet bijdraagt aan een structurele oplossing. Het zwerfdierenprobleem in Boekarest is daar een prachtig voorbeeld van. Tussen 2000-2004 werden meer dan 350.000 zwerfdieren afgemaakt. Nadat men dacht klaar te zijn stopte het afmaken en binnen de kortste tijd was het aantal weer op hetzelfde niveau als voor de grote schoonmaak.

Het kan niet zo zijn dat er maandelijks 100 dieren worden afgemaakt zonder dat er vanuit de overheid iets structureels gedaan word aan het voorkomen van het probleem. Zonder educatieprogramma’s en structurele sterilisatieprogramma’s zeg je als overheid en als dierenasiel: “mensen het is oke hoe wij nu met onze dieren omspringen, het is oke om dieren te doden omdat wij ze niet willen onderhouden” Je geeft het signaal dat je als eigenaar niet verder hoeft na te denken over gevolgen van het krijgen van ongewenste nestjes en dat het oke is om ze te dumpen of te doden.

dsc08728Als er geen grootschalige Sterilisatieprogramma’s zijn zullen er steeds nieuwe nesten geboren worden die de plaats weer opvullen van de gedode honden. Zonder breed gedragen educatieprogramma’s zal de mentaliteit nooit veranderen, en blijft dit probleem bestaan. Bewustwording komt met het geven van informatie.

Daarnaast is het vasthouden van de honden voor een termijn van 3 dagen zeer kort. Eigenaren krijgen nauwelijks tijd hun hond terug te vinden en de kans dat jij jouw hond in de zak vind is meer dan groot.

Onbegrijpelijk dat dit kan gebeuren op een klein eiland waar  de situatie toch simpel onder controle te krijgen moet zijn. Vooral omdat het een eiland is waar je niet te maken hebt met honden die van heinde en ver kunnen komen om roet in het eten te gooien. Juist omdat het een klein eiland is is de populatie prima onder controle te brengen met TNR (trap neuter return) een systeem wat uiteindelijk goedkoper en effectiever is.

In de onderstaande links lees je precies waarom er zoveel op tegen is om grootschalig euthanasie toe te passen.

Humane_Dog_Population_Management_Guidance_ WHO

Dog population management.pdf

stray dogs humane solutions

persbericht gezamenlijke dierenorganisaties Bonaire tegen dit besluit

Advertenties

El Bienestar de los animals, Los cinco libertades

A menudo se dice que uno no sabe cómo cuidar de un animal, Creo que con un poco de sentido común y compasión una debe ser capaz de llegar legos. El proverbio “Lo que no quiere que se haga, no hagas a los demás” tendría que ser suficiente para prefenir dolor.

Ponemos en Los 5 libertades para usted en una lista, libertades que deberían aplicarse a todos los hombres y animales. Si usted se mantiene a esto se limite el sufrimiento de los animales y mantiene su mente lo que su mascota necesita.

hond aan ketting

 

LIBERTAD DEL TEMOR Y LA ANGUSTIA , dando condiciones y cuidado adecuado se evitar el miedo y la ansiedad.

LIBERTAD EL HAMBRE Y SED, dando en forma adecuada y una alimentación sana y siempre se puede tener agua fresca.

LIBERTAD DE MALESTAR, al proporcionar un entorno adecuado que incluye un amplio lugar agradable para protegerse del sol, el calor y la lluvia. Suficientemente grande para moverse libremente.

LIBERTAD DE DOLOR, LESIONES Y ENFERMEDAD, por tomar prevención, como dar vacunas y hacer control de plagas, y un diagnóstico rápido y tratamiento del enfermedad por un veterinario. También el entorno del animal debe estar limpia y segura para prevenir enfermedades y lesiones.

LIBERTAD PARA PODER EXPRESAR COMPORTAMIENTO NORMAL /NATURAL, dando suficiente espacio, proporcionando ambiente enriquecedor en el material / juego y compañerismo con el dueno

©Rescueracao, translation Jennifer van Kolk. Like our Facebook page

 

stroomhalsbanden, de effecten

Ondanks dat het een artikel is van 2009 is het nog zeer up to date. Lees hier wat het nou eigenlijk doet met een hond om een stroomhalsband te gebruiken. Gebaseerd op wetenschappelijk onderzoek. Heftig om te weten dat het cortisol gehalte (stress gerelateerd hormoon) tot ongekende en ongezonde hoogte stijgt.

Artikel stroomband Los Vast

Bienestar di bestia, libertat di por ekspresa komportashon natural/normal (6/6)

Dor di duna sufisiente espasio, dor di enrikesé e ambiente material/wega i kompania di otronan di e mesun sorto i kompania di abo komo doño.

Pero kiko esei ta nifiká, pasobra ekspresá bo mes di un manera natural por keda interpretá na diferente manera. Bo por te hasta bisa ku e ta enserá tur lokual ku duna un animal plaser pa hasi òf ku bestianan ta hasi pasobra e ta forma parti di nan.

Un lora gusta destrosá i kibra kos. E gusta hasi kos pa e por yega na su kuminda. Esaki ta nifiká buska i eksplorá. E ta keda enkantá si bo skonde su kuminda den kos ku e mester kibra habri pa e yega n’e. Tambe e gusta tuma un baño pa e por limpia su plumanan. E gusta karisia su partner i mester tin e espasio pa bula.

Kachó mester por hunga, mester bai landa ku nan òf djis hiba nan un kaminda ku ta otro for di kas pa nan por kana hole i eksplorá. Kachó tambe gusta hasi algu pa yega na nan kuminda. Un “activityball” òf “Kong” ta ko’i hunga ku ta tremendo pa skonde kos di kome aden. Weganan di buska kos, weganan ku ta pone nan pensa i buska, siña hasi sierto ehersisio ta kosnan ku kachó gusta i kosnan ku ta hasi nan masha felis. Pero tambe djis e kontakto ku hende. Kachó ta bestia masha sosial, si nan no tin e kontakto sosial nan ta bira masha infelis.

Pushinan mester por sleip nan uñanan, mester por hunga, i yag. Di mes no ta tur hende ke un pushi ku ta yag den nan kura, den e kaso ei bo por remplasá e wega di yagmentu ku algun kos di hunga spesial ku bo por hunga kuné. Tin hengel ku pluma pega n’e i tambe bala chikí ku ta kosnan ku nan gusta yag riba dje, òf un simpel palu ku un pida kabuya mará n’e.

Kada bestia tin nan nesesidat i komportashon natural. Ta algu sumamente agradabel pa bo buska pa sa mas a fondo kiko nan ta hasi i dikon nan ta hasié. Nos ta hasi muchu tiki pa koperá ku nan bienestar i esei ta pika. Bo por gosa asina tantu mas di nan miéntras nan tambe por gosa di mas libertat i nan ta sinti nan bon. Nos tin ku siña ku e bestianan no t’ei solamente djis pa nos plaser, nos tin ku balorá nan mas. Meskos ku nos tur ke pa hende balorá nos pa lokual ku nos ta. Nos tin ku duna nan mihó kuido. Laga esei ta nos bon intenshon pa aña 2016.

©Rescueracao, credits translation Denice Bezemer

Dierenwelzijn, vrijheid om natuurlijk gedrag te kunnen uiten (6/6)

door het geven van genoeg ruimte, door verrijking te geven in omgevingsmateriaal/ spel en gezelschap van soortgenoten en gezelschap van jou als eigenaar.

Maar wat houdt dat dan in want natuurlijk gedrag kunnen vertonen is een vrij breed begrip. Eigenlijk omvat dit alle dingen waar dieren plezier aan beleven of die ze doen omdat het in ze zit.

Een papegaai houdt van slopen en dingen stuk maken. Hij houdt er van om dingen te moeten doen om te kunnen eten. Dus zoeken en onderzoeken. Hij vindt het prachtig als je eten verstopt in dingen die hij open moet pulken. Maar ook bijvoorbeeld dat hij kan badderen zodat hij zijn veren netjes kan maken. Zijn partner te liefkozen en te kunnen vliegen.

Honden moeten kunnen spelen, meegenomen worden om te zwemmen of om gewoon simpel eens ergens anders te kunnen snuffelen dan in zijn thuisomgeving. Ook honden vinden het leuk om iets te moeten doen voor voedsel. Een activityball of Kong is geweldig speelgoed om voedsel in te doen. Zoekspelletjes, denkspelletjes speurspelletjes, oefeningen aanleren allemaal dingen die ze prachtig vinden en waar ze gelukkig van worden. Maar ook simpelweg menselijk contact. Honden zijn zeer sociale dieren, ontbreekt het hun aan sociaal contact zijn ze diep ongelukkig.

Katten moeten bijvoorbeeld hun nagels kunnen scherpen, kunnen spelen, kunnen jagen. Natuurlijk is niet iedereen blij met een jagende kat in hun tuin, maar het jachtspel kan je prima vervangen door speciaal speelgoed te kopen waar je samen mee kan spelen. Hengeltjes met veertjes of kleine balletjes vinden ze ook prachtig om achter aan te jagen. Of simpel zelf gemaakt van een stokje met een touwtje.

Elk dier heeft zo zijn eigen behoefte en eigen natuurlijk gedrag. Het is zo prachtig om je daar in te verdiepen en eens te kijken wat ze allemaal doen en waarom. Wij doen zo vaak te kort aan hun welzijn en dat is jammer. Je kan zoveel meer genieten van ze als ze meer vrijheden hebben en ze beter in hun vel zitten. Wij moeten leren dat de dieren er niet alleen zijn om ons te plezieren, we moeten ze veel meer in hun waarde laten. Net zoals wij allemaal graag in onze waarde gelaten willen worden. We moeten beter voor ze zorgen. Laat dat ons goede voornemen zijn voor 2016

©Rescueracao

img_4243

Bienestar di bestia, libertat di doló, herida i malesa (5/6)

Libertat di doló, herida i malesa, por logra esaki dor di  tuma medidanan preventivo manera pasa angua i kombatimentu di plaga i yega na un diagnóstiko rápido i tratamentu serka un veterinario. Tambe mester sòru pa e ambiente kaminda e bestia ta frekuentá ta limpi i sigur pa evitá malesa i leshon.

109
Kada bestia tin derechi riba un kuido médiko adekuá p’e. Aki tambe ta konta, ku esaki por ta diferente pa kada un tipo di bestia. Algun kos lo ta igual pero algun lo ta kompletamente distinto. Pa un pushi lo bo no tin mester di un smet ku ta traha pata di heru pa kabai.

Laga nos kuminsá ku prevenshon di malesa, ku prevenshon bo ta evitá ku e bestia ta bira malu dor di protehé kontra di malesa.

Kachó:

  • Serka yu di kachó ta kuminsá ku angua for di e momento ku e tin 6 siman, despues ta sigui ku sigur 2 ènter mas den e siguiente simannan. (esaki ta dependé di e skema di pasa ènter di e veterinario). Esun ku e yu di kachó mester haña pa protehé kontra (e malesa ku ta hopi eksistente na nos isla) parvo i malesa di kachó (ménos frekuente aki ta malesa di Weil i un malesa kontagioso di igra). Dia e tin 1 aña i despues tur aña atrobe ta bolbe ripití e anguanan aki pa evitá e malesanan ya menshoná. Hopi bia bo ta tende ku no ta hasi nada si ènter nan ménos, esaki por ta posibel pero e ora ei bo mester laga hasi un “titertest” serka nan pa wak si nan tin sufisiente antistof presente. No bai tira pará, pasobra tin muchu kaso di parvo i malesa di kachó presente riba e isla aki. Parvo i malesa di kachó ta malesanan hopi serio, ku ta hopi karu den tratamentu i hopi bia nan ta resultá fatal pa e kachó.
  • Tur luna mester duna e kachó un tablèt pa e kou kontra di bichi na kurason, bichi na kurason ta algu ku e kachó por haña via di sangura. E larvanan ta yega via di e sanger na e kurason kaminda nan ta desaroyá nan mes den bichi basta grandi. Nan ta afektá e kurason ku tur konsekuensia ku bo por imaginá bo.
  • Dependiendo di kiko bo a kustumá di uza, sea semanalmente/ mensualmente òf un bia den kada 3 luna, bo mester hasi tratamentu ku bo kachó pa protehé kontra di pruga i karpata. Pruga pasobra nan ta duna hopi grawatashi i pasobra pruga ta kontagia nan ku parasit di tripa ku tambe ta un bichi. Karpata pasobra kachónan por bira malu di nan i nan por haña bludumentu interno.
  • Deshasí kachó di bichi ta sumamente Den e kaso aki ta trata di bichi ku tin den e tripanan komo por ehèmpel bichi di sinta, bichi hak i “spoelworm”. Esakinan ta otro tipo di bichi ku e bichinan di kurason. Bo ta kuminsá deshasí di nan di na momento ku e kachó tin 4-6-8 i 12 siman. kachónan adulto tin ku keda deshasí di bichi 2 -4 bia pa aña. Si akaso bo tin un plaga formal di pruga e no ta hasi daño pa deshasí un bia èkstra di bichi.
  • Dor di sterilisá/kapa òf evitá ku un kachó ta tene relashon seksual bo ta evitá ku e por haña tumor ku ta kontagioso via di relashon seksual na nan partinan íntimo. E tumornan aki ta kosnan ku bo ta topa hopi riba nos isla.

Pushi

  • Pushi i yu di pushi tambe meskos ku kachó chikí i kachónan adulto tin nan skema di pasa angua. Lokual ku ta komun bou di pushi ta malesa di pushi, malesa di nistermentu i Sida di pushi.
  • Pushi tambe tin bichi den nan tripanan i meskos ku kachó tin ku deshasí di nan tambe, preferibel 4 x pa aña.
  • Pruga i karpata ta mesun ferfelu pa e pushi ku nan ta pa kachó i atrobe dependiendo di kiko bo ta hasi uzo di dje maske ta un bia pa luna e ta rekerí bo atenshon.

Kabai

  • Deshasí di bichi, kada 3 luna sigur si tin buriku tambe presente. Buriku tin mas lihé bichi di pulmon lokual ku ta masha peligroso pa kabai. Ta masha importante pa dun’é un tratamentu di Ivermectine, na servisio veterinario bo por laga hasi un tèst ku su sushi pa fl. 7,50 anto si bo kabai no tin bichi, na un prinsipio no tin nodi di duna tratamentu kontra di bichi.
  • Laga pasa angua tur aña.
  • Laga e smet ku ta traha sapatu pa kabai wak e kada 4 -6 siman.

Ku tur e medidanan aki bo por evitá pa un gran parti ku bo animal doméstiko ta bira malu. Asina bo ta evitá tambe ku bo ta haña bo ku hopi gastu di un veterinario. Dimes un bestia por bira malu ni maske kon bo a prevení. No ta tur malesa bo por prevení. Esei ta konta meskos ku pa hende, lástimamente pa bestia tambe.

Bestia tambe tin derechi riba un bon trato di un veterinario den kaso di malesa òf un desgrasia. Bo no por laga un kachó ku un pata kibrá sigui kana riba dje òf por ehèmpel un kachó ku sarna tampoko bo no por laga sigui kana rònt asina pasobra e no ta kumbiní bo hasi algu kuné. Si bo mes bai spalk e pia òf bo mes bai hunta remedi riba e sarna mayoria bia e problema ta bira pió i bo ta hasi mas daño ku bon. Mayoria di kosnan ku hende ta hasi uzo di dje, kosnan komun i koriente no tin e efekto deseá.

Remedi preskribí pa un hende no ta adekuá pa bestia. Esakinan ta kosnan ku bo mester pensa promé riba dje promé ku bo kuminsá ku krio di bestia.  Mi por i ke paga p’e? Si bo no por òf no ke, no hard feelings, pero mihó bo no kuminsá ku krio di bestia. E bestia ta dependé di bo i e ta bo responsabilidat pa e haña e kuido nesesario.

Si un bestia ta hopi malu no lag’é sigui sufri dor di warda te dia òf ora e muri i dun’é e balor di un fin digno. Un fin digno no ta un biahe “one way” pa Landfill òf mondi. Un fin digno ta eksihí un bishita di dòkter pa yuda sak’é for di su sufrimentu. E ta algu hopi difísil, niun tiki agradabel pa hasi i e ta kostoso pero e ta algu ku ta forma parti di bida. Tuma responsabilidat

©Rescueracao, credits translation Denice Bezemer

Bienestar di bestia, libertat di inkomodidat (4/6)

LIBERTAT DI INKOMODIDAT, dor di duna espasio adekuá i amplio inkluso un lugá agradabel kaminda e por skonde pa solo, kalor i áwaseru. Un espasio sufisiente grandi kaminda por move liber.

Mi a amplia kaba riba esaki den e artíkulo “Libertat di angustia i strès”. A yega e momento pa sigui amplia un tiki mas riba dje. Dikon e espasio ku bo ta duna bo animal ta tantu importante. Simpel….pasobra esaki ta tur kos ku e tin pa restu di su bida. Tur lokual ku abo dun’é òf laga di dun’é ta lokual ku bida ta kontené p’e. Si bo wak e bon ta straño, ku nos bestianan ta haña asina tiki rèspèt i ta laga nan biba den miseria. Aki tambe ta konta, sea honesto i wak dor di wowonan di e bestia? Dikon e lo gusta di ta mará dia aden dia afó? Dikon un kadena mará na su garganta lo no strob’é? Dikon lo e no sintié malu si e tin ku keda para den áwaseru òf den e solo kayente? Dikon e lo no sintié malu si e tin ku keda henter dia sera den un hòki chikí i kalor òf den un stal, wardando riba e dianan pa pasa? Dikon e lo no sintié i nos si lo sintié si nos tabata den e mesun situashon? Pasobra e ta un bestia? òf pasobra ta trata “djis” di un bestia? Ken ta duna nos e derechi di atendé asina?

IMG_1166

Si nos paga bon tinu nos lo ripara ku serka e bestianan ku tin ku biba bou di e kondishonnan aki ku nan tin hopi strès. Bestia, meskos ku hende, ta bira masha infelis si nan tin ku biba bou di sirkunstansia ku ta stroba nan di ta liber di un òf otro manera. Nos ta papia spesífikamente di un òf otro manera di libertat, pero tokante di esaki aworó lo mi amplia un tiki mas. Bestia tambe ta sinti strès di un manera formal ora nan ta será den un kouchi muchu chikí òf ku tin nan será. Esun bestia tin mas problema ku esaki ku otro, kachó por ehèmpel no ta bestia ku mester ta mará òf den un hòki será. Nan mester di movishon. Nan tin nesesidat di movishon korporal i tambe estímulo síkiko den nan bida. Si nan no haña esaki nan lo bai grita hopi, yora, kibra kos, nan lo bira miedoso òf netamente agresivo, i nan lo bira masha brutu esun bia ku nan haña atenshon. Nan ta kana den e mesun rònchi i nan por bira masha agresivo ora nan nota e kachó di bisiña. Nan úniko kos di pasa tempu kuné ta e kachó ku ta kana ei ku nan ta mira i ku nan por grita un ratu. E ora ei nos no ta ni papia ainda di e molèster ku nan tin di e kadena rondó di nan garganta. Hopi bia e banchi òf kadena ta muchu pèrta òf ta feila nan garganta. Pa motibu ku no tin masha atenshon pa e kachó hopi bia e kadena òf banchi ta asina pèrta te ku e a habri e garganta na herida ku konsekuensia un herida habri ta hole stinki. Manera bo lo ta komprondé, un kachó mará òf será no ta un solushon ku ta adekuá pa bestia. Banda di esei, e motibu pa a tuma un kachó hopi bia, 9 di 10 bia, ta pa warda kas i e funshon aki e no por kumpli kuné miéntras ta trat’é asina. Pa ki motibu no, esaki mi a skirbi den “Un bon kachó di warda”.

Oké, asina nos por bisa no na un kadena òf kouchi? I los riba kaya, esei ta mihó? No esei ta e otro ekstremo. Un kachó mester ta biba den seguridat di su kura. Riba kaya tambe e ta eksperensia hopi inkomodidat. E ta keda eksponé na tráfiko i un desgrasia ta na kurpa di palu. Tambe bo ta okashoná inkomodidat pa motibu ku otro hende no ta gusta topa un kachó den nan kaminda i nan ta kore kuné, dor di mand’é ku piedra òf batié ku palu. Aparte di esei, nan ta haña nan konfrontá ku otro kachó ku por okashoná konflikto ku nan lokual ku por terminá den bringamentu i herida ku por ta serio. Hopi kachó ta bin bèk ku heridanan serio di mordé ku ta rekerí trato veterinario. Anto un desbentaha mas ku ta konta pa Kòrsou ta ku tin demasiado kachó. kachó muhé “loops” ku ta kana den bario ku ta bin kas bèk dek.  Bo ta kompartí na hopi sufrimentu si bo laga bo kachó Sali na estado. ehèmpel nos no tin nodi di menshoná, riba e site aki mes bo por mira kuantu sufrimentu tin.

IMG_4728
hond aangereden, gebroken rug, eigenaar nooit gevonden

I e otro bestianan awor? No ta importá ki bestia bo tin. Sea ku ta trata di galiña, konènchi, kabai, kabritu, pushi òf para, tur tin derechi riba sufisiente espasio pa nan por move liber, un lugá kaminda nan por skonde pa solo òf áwaseru, un lugá kaminda nan lo por isolá nan mes si nan ta sinti e nesesidat pa hasi esaki i un lugá kaminda nan por sosegá ku ta destiná pa e tipo di bestia aki. Bo no por spera di ta duna un bestia un bon bibá si bo no sòru pa e espasio kaminda e tin ku biba aden no ta adekuá p’e. Anto esei ta distinto pa kada un tipo di bestia. Profundisá bo mes den e tamañonan di e kouchi di galiña, profundisá den e espasio ku un prikichi òf lora mester. Duna un kabai espasio pa e por move i no lag’é para henter dia den su stal òf mará na un palu. Anto kòrda tambe riba e seguridat di e bestia, no tin nada skèrpi den e espasio, no tin nada ku ta krese ku ta venenoso? E kuido di bestia tin su responsabilidat kuné, responsabilidat di un bon kuido riba tur tereno.

©Rescueracao, credits translation Denice Bezemer

Bienestar di bestia, libertat di hamber i set (3/6)

Aha esaki ta un simpel lo bo pensa, libertat di hamber i set….Di mes e prinsipio básiko ta simpel. Sòru pa tin sufisiente awa i kuminda. Un bestia no ta intenshoná pa sinti hamber i semper mester tin akseso na awa limpi i fresku pa e bebe. Un bestia no ta intenshoná pa ta kana buska kuminda riba kaya. Un bestia no ta intenshoná pa ta asina flaku ku kasi e ta dal abou di miseria. Asina simpel pero tòg e kos aki ta sosodé den hopi kaso.

img_2685

Lokual ku ta hasi e kos aki kompliká ta ku kada un sorto di bestia tin nesesidat di sierto kuminda spesífiko. Komo e doño ta di suma importansia pa bo a informá bo mes den esaki. Pa bo ta dun’é aparte di sufisiente kuminda e kuminda adekuá tambe. Kuminda ku ta kumpli ku tur norma di alimentashon ku e bestia tin nesesidat di dje. Desbentaha ta ku tin masha hopi tipo i sorto i marka di kuminda. Sierto barata i otro asina karu ku apénas bo por paga pa nan. No ta asina ku karu semper ta e mihó, òf un marka di kuminda ku bo ta mira na televishon ta esun adekuá. Marka den mi bista no ta tantu importante. Importante ta e balansa adekuá. Tin hopi kachó ku por ehèmpel ta haña solamente aros pa kome, tin ora ku un tiki kuminda di kachó di bleki aden, pero hopi bia esaki no ta ni e kaso. Tin hopi kachó ku ta haña solamente sobrá di kuminda kayente pa nan kome. Tristu ta ku esaki no ta sufisiente ku tin komo konsekuensia ku aparte ku nan no ta haña sufisiente kuminda, nan no ta haña sufisiente nutrishon pa nan por ta salú.

E kurpa di un bestia ta funshoná meskos ku esun di nos. Si nos no haña sufisiente nutrishon i esnan adekuá, nos ta bira malu. Nos ta bira suseptibel pa malesa i nos sistema imunológiko ta baha. Si nos kome salú i nos haña sufisiente nutrishon nos kurpa ta salú, nos ta sinti nos mihó i mas fet i nos ta ménos suseptibel pa malesa ku ta keda okashoná pa vírus i otro malesa.

Sea kritiko di lokual ku bo ta duna bo bestia, sòru pa bo ta sufisiente informá di e nesesidatnan di bo bestia.

Algun ehèmpel simpel.

Un lora no tin sufisiente nutrishon ku solamente e simianan brua ku bo ta kumpra na kualkier petshop, mas ainda, si bo dun’é esaki so e ta bira malu. E por haña daño sustansial na su igra i nir. E ta muchu vèt i e ta muchu meskos tur dia, ni maske e ta mustra pa bista masha varia i dushi. Un tipo di kuminda spesial “pellet” pa lora tin hopi bia mas nutrishon balansa solamente si e no ta kontené muchu agregashon di entre otro suku i koló artifisial. Tambe nan tin e nesesidat di fruta i berdura fresku. I bo ta hasi nan masha felis si bo skonde nan kuminda pa asina nan por ekspresá nan mes di un manera natural manera nan a kustumá di hasi esaki den naturalesa. Riba Internet tin diferente buki di kushina ku algun reseta tremendo spesial pa e tipo di bestianan aki. Tambe bo por haña informashon aki riba di e diferente “korrels/pellets” ku tin na benta. Pa bo por krea un bon dieta pa bo lora ta algu ku ta eksihí hopi mas atenshon ku na promé instante bo ta kere.

Un pushi no tin sufisiente nutrishon na e ratonnan ku e ta mata i mester di kuminda pa pushi i kuminda fresku (di bleki) pa e kome. Bo tin miedu ku bo pushi ta stòp di kohe raton? Esaki no tin mag di ta un motibu pa laga bo pushi ta sufri hamber. Un trampa pa raton i tene bo besindario limpi ta duna mihó efekto ku un pushi.

Un kabritu, kabai òf baka no tin sufisiente nutrishon na e lokual e ta topa den su kaminda so. Kòrsou ta un isla seku i no tin sufisiente kuminda pa asina por mantené un peso salú. Mester duna nan kuminda adishonal.

Bo mes por kushina pa bo kachónan, pero bou di e kondishon ku bo ta tene kuenta ku e nutrientenan ku nan mester haña. Pa ta honesto, no ta fásil pa bo kushina kuminda salú pa un kachó i ta relativamente karu i bo mester ta bon informá pa bo hasi e kos aki. Tin hopi manera, manera menshoná anteriormente, pa duna bo kachónan kuminda. Esun ta opta pa traha un menú e mes pa su kachónan ku karni i berdura fresku, esaki nos ta yama BARF òf KVV. Tin otro ku ta preferá di kumpra kuminda kla prepará kaba. Atrobe mi ke pone bon kla, mi no tin un preferensia kua tipo di kuminda bo skohe. Bo tin ku skohe lokual ku ta pas serka bo, basta bo tene kuenta ku e nesesidat di bo kachó i pa e haña e nutrientenan nesesario. Serka un mayoria di bestia ta konta ku nan sushi ta duna indikashon ku e kuminda ku nan ta kome ta adekuá i ta duna un bon salú. Sí bo kachó su sushi ta “fluffy” i ta trata di hopi sushi, e ta indikativo pa e kantidat di nutriente ku su kurpa no a apsorbé bon. Esei ta indikashon ku e kuminda ta konsistí mas di kosnan pa yena (maishi por ehèmpel) ku nutriente. Aki tambe ta trata di informá bo mes promé, no bai tras di e papiamentu bunita djis pa bende òf tras di e pakinan bunita i invertí di un manera adekuá pa salú di bo kachó.

©Rescueracao, credits translation Denice Bezemer

Bienestar di bestia, Libertat di angustia i stress (2/6)

Libertat di angustia i stress, un konsepto amplio ku konosé hopi faseta. Un bestia ku ta eksperensia strès òf angustia no ta felis. Angustia i strès tin un efekto físiko i síkiko riba e bienestar di e animal. Bestianan ku kontinuamente ta eksperensia strès òf angustia por bai demostrá esaki den nan komportashon manera outomutilashon (herida nan mes), tin ehèmpel di kachó ku ta morde nan mes pata òf ta pluma nan rabu òf tin lora ku ta pluma nan kurpa.

DSC_1992

Pero tambe kachónan ku ta grita dimas òf ku ta kana kontinuamente den e mesun rònchi por ta un manera di manifestá strès. Esaki ta bin komo ku nan ta eksperensia e strès i nan mes no por hasi nada pa trese un kambio na e situashon aki. E frustrashon ta bira di tal índole ku nan ta buska algu pa deshasí di e strès. strès i angustia por tin diferente kousa. Ata aki algun pa duna bo un idea:

  • Soledat, mayoria bestia ta gusta di ta den kompania di otronan di su mes sorto i ora e ta so e ta haña strès. Tambe falta di kontakto ku hende ta duna strès. Sera un kachó su so den un hòki òf mara na un kadena i ta dun’é solamente kuminda no ta bon, un kachó ta un bestia sosial i ku tin nesesidat na kontakto ku otro. Un kabai su so tampoko no ta bon, ta bestianan ku a kustumá di biba den grupo i ta sinti e nesesidat di ta huntu ku otro pa e sintié seif. Un lora su so den un kouchi no ta bon, lora ta bestia ku a kustumá di tin un partner fiho i ta biba den grupo i huntu ku su partner.
  • Mal nutrishon/òf muchu tiki kuminda ta duna strès. Mal nutrishon pasobra e ta pone sinti su kurpa malu, muchu tiki kuminda pasobra ora e tin ku kompartí e kuminda ku otro, ta okashoná bringamentu. Pero tambe e nesesidat di ta en buska di kuminda i hamber ta duna hopi strès.
  • strès okashoná pa e mal alohamentu. Kada bestia tin su kondishonnan pa loke ta trata su bibienda. Un kabai ku henter dia ta para su so den stal ta eksperensiá strès, e no por yega na su nesesidatnan di bida pasobra e no por move, e no por kome yerba fresku i no por kumpli ku su debernan sosial manera kuido di otro su lana. Un kachó mará òf den hòki henter dia ta eksperensia e mesun kos, e no por pèrdè su energia i e no por ekspresá su mes manera su komportashon mester ta normal ta frustra i ta bai komportá su mes malu. Mayoria bia un kachó ta bira agresivo. Nan ta grita i yora hopi, bula kontinuamente òf ta kana kontinuamente den rònchi. Sierto kachó a pèrdè speransa i ta drumi sin niun ekspreshon ta warda dia pasa pa kaba. Loranan den kouchi muchu chikí sin nada di hasi, ni ko’i hunga i sin e posibilidat di buska kuminda ta hopi infelis. Imaginá bo….bo por pensa manera un mucha di 7 aña anto bo ta 30-40-50 aña sera den solitario kaminda bo no por ni span bo alanan anto bo no tin nada di hasi….Lo bo ta felis? Animalnan por sinti strès tambe si nan ta muchu hopi den un espasio muchu chikí. Superpoblashon tambe ta duna strès meskos ku soledat.
  • Miedu pa motibu di mal sosialisashon, òf miedu di hende pasobra nan ta tenta bo, bati bo òf grita bo, miedu pasobra e bestia no ta komprondé kiko ta spera di dje pasobra komo hende nos ta buta nos kondishonnan pa e bestia, miedu pa motibu di training robes/pisá, miedu pa doló pasobra tin ora ta hasi uzo di método ku ta hasi e bestia doló pa asina logra nos meta. Miedu pasobra no tin kaminda pa skonde pa e lokual ku bo tin miedu di dje òf miedu pasobra bo tin ku biba ku otro tipo di bestia ku den naturalesa ta bo enemigu.
  • strès pa motibu di desabilidat, strès pa motibu di doló i strès pa motibu di malesa òf yen bestia riba bo ku ta duna bo kishikishi.

Manera bo por nota tin hopi faktor ku por duna strès òf angustia. Realisá bo mes ku e enumerashon aki no ta kompleto. Nos a trata di trese un tiki klaridat den e kousanan di strès òf miedu pero e tópiko aki ta hopi amplio pa duna un bista kompleto. Importante ta pa bo puntra bo mes “mi animal ta felis i su bibienda ta kumpli ku su normanan di biba den naturalesa si e no mester a biba den un kouchi òf “kennel”. E por hasi eskoho manera e ta bibando i e ta sinti su mes seif. Mi ta mira señal ku por ta indiká strès òf miedu anto mi sa serka e sorto di bestia ku mi tin kiko e señalnan aki por ta? Kiko mi por hasi pa evitá esakinan? Profundisá bo mes den bo animal doméstiko i buska informashon. Wak riba Internet, den biblioteka i pidi profeshonalnan pa konseho. Dikon no puntra ken ku ta? Tin hopi kuenta di gañagaña i tin hopi teoria antaño. Tambe bienestar di bestia ta un tópiko ku ta hopi den movishon ku desaroyonan nobo. Algu ku 30 aña pasa tabata komun i koriente por a kambia den transkurso di tempu despues di estudio. Supuestamente e profeshonalnan ta na altura di e desaroyonan nobo i ta sigui desaroyá nan mes riba nan tereno. Pero tambe pensamentu lógiko i salú lo por yuda bo pensa pa bo mes “kon ami lo haña e kos aki si ta ku mi e kos aki pasa” esei mes por ta un indikashon pa bo….Pa ilustrá ku un bon ehèmpel semper mi ta hasi uzo di esaki….na momento ku nos siña nos yunan kon pa evitá ku nan ta susha nan mes ora nan tin ku hasi nan nesesidat, nos ta duna nan kòmplimènt i steker pa kada un bia ku nan a hasi uzo di wc. Ora nos kachó chikí hasi su nesesidat un bia paden miéntras nos ta train e pa e hasié pafó nos ta bai puntra nos mes kon pa nos straf e i tin hende ku te hasta ta pone nan nanishi den nan pishi…Ta algu pekuliar pasobra lo bo hasi esaki serka bo yu tambe? No ta lokual ku mayoria ta kontesta. Mi kontesta tambe semper ta no, awèl esaki ta konta pa e kachó tambe. ­Un otro ehèmpel simpel…Tempu nan aya ora di siña landa tabata hasi uzo di e método ku ta pega un mucha na un hak anto hisa benta bo na awa. Hopi bia esaki tabata un eksperensia troumatiko pa e mucha. Awendia ta laga e muchanan kustumá promé ku e awa dor di hunga ku nan den awa den e “kikkerbad” promé ku bai ku nan den awa. Kua di e métodonan aki lo bo gusta mas? Esun ku ta obligá bo òf esun ku ta bai mas trankil i ku ta mas opvio? Esakinan ta algun ehèmpel simpel ku semper bo por hasi uzo di dje pa puntra bo mes kiko lo bo mes lo preferá i kon pa atendé ku sierto asuntu. Komprenshon, rèspèt i un manera salú di identifiká bo mes ku e situashon.

 

©Rescueracao, Credits translation Denice Bezemer

 

Bienestar di bestia, e sinku formanan di libertat (1/6)

Hopi bia bo ta tende ku un hende no sa kon pa kuida un bestia. Mi ta kere ku si bo uza bo kabes i tene un tiki kompashon lo bo yega basta leu. E proverbio “No hasi ku otro lokual ku bo no ke pa otro hasi ku bo” lo por ta sufisiente pa evitá hopi doló.

Nos ta buta aki e sinku formanan di libertat riba papel, formanan di libertat ku lo mester ta

12243279_1521130804874310_6712700163786731862_n

konta pa hende i bestia. Si bo por mantené bo mes na esaki lo bo por evitá òf minimalisá sufrimentu i lo bo tene kuenta ku e nesesidatnan di bo animal. Si bo no por òf no ke? E ora ei ta mihó pa bo no tin animal doméstiko.

LIBERTAT DI ANGUSTIA I STRÈS, dor di sòru pa e sirkunstansianan korekto i kuido por evitá angustia i inkietut.

LIBERTAT DI HAMBER I SET, dor di duna sufisiente kuminda salú i sòru pa semper tin akseso na awa fresku.

LIBERTAT DI INKOMODIDAT, dor di sòru pa sufisiente espasio adekuá inkluso un lugá agradabel kaminda por skonde pa solo, áwaseru i kalor. Espasioso sufisiente pa por move libremente.

LIBERTAT DI DOLÓ, LESHON I MALESA, dor di tuma medida preventivo manera vakuna i kombatimentu di plaga i un diagnóstiko rápido i tratamentu di malesa dor di un veterinario.

Tambe e ambiente kaminda e bestia ta biba aden mester ta limpi i seif pa evitá malesa i leshon.

LIBERTAT PA POR DESAROYA KOMPORTASHON NORMAL/NATURAL, dor di duna sufisiente espasio, dor di enrikesé e ambiente ku material/wega pa hunga i mas kompañero di su mes sorto i ku bo den kompania komo su doño.

Si bo no sa kiko e formanan di libertat aki lo por ta nifiká pa bo bestia? Bo por buska informashon riba Internet òf na biblioteka òf un veterinario òf un trainer di kachó kaminda semper bo por hasi bo preguntanan. Sòru pa de bes en kuando bo refreská e informashon pa bo keda na altura di e desaroyonan riba tereno di alimentashon, kuido, prevenshon médiko i training. Algu ku tabata funshoná 30 aña pasa por a kambia den transkurso di tempu dor di e desaroyo general i estudio.

Lo trata kada un di e formanan di libertat un pa un den e tempu benidero i lo pone nan aki riba.

©Rescueracao Credits translation Denice Bezemer