Respirashon artifisial i reanimashon

Si e bestia su kurason ta bati pero e ta fuera di konosementu kuminsá ku respirashon artifisial. Si su kurason no ta bati kuminsá ku reanimashon.

Paga tinu si ku respirashon artifisial i reanimashon por hasi daño físiko na e bestia. Algu ku den kasonan di emergensia ta aseptabel pa bo tuma e riesgo ei, pero NUNKA no ta bon pa bo hasi e ehersisio aki riba bestia salú. Chek pa e indikashon di palpitashon di kurason, respirashon i temperatura korporal e promé kapítulo di e balornan korporal normal.

RESPIRASHON ARTIFISIAL

Respirashon artifisial bo so por hasi, esta sin yudansa di mas hende:

  • Pone e bestia drumi riba su banda drechi
  • Manda su kabes patras pa e garganta ta liber pa rosea
  • Saka su lenga règt pafó
  • Deshasí di opstákulo ku lo por stroba manera sleim, sanger, òf kualkier kos ku e por a guli
  • Pone 1 man rondó di e boka pa mantené e boka será
  • Kachónan grandi/mediano òf otro bestia pone bo boka riba nan nanishi i sòru pa bo boka ta será
  • Kachónan chikí/pushi òf otro bestianan chikí pone bo boka riba nan nanishi i boka. Sòru pa bo boka no ta kompletamente sera pa e airu ku ta demasiado por skapa.
  • Saka bo rosea ku forsa i duna e bestia rosea 4-5 bia purá tras di otro. Tene kuidou pa bo no dun’é demasiado rosea, bo kontenido di pulmon ta muchu mas ku di e bestia.
  • Wak si e pulmonnan ta yena
  • Lag’é bai pa e pulmon por saka e airu
  • Wak si e mes a kuminsá hala rosea
  • Si akaso e no a kuminsá hala rosea riba su mes, òf e ta suak sigui ku e respirashon artifisial
  • For di e momento aki bo ta dun’é 20-30 rosea pa minüt. (kada 2-3 sekònde) te ora e mes kuminsá hala rosea òf te ora bo a logra drenta den kontakto ku un veterinario.
  • Keda kontrolá su batimentu di kurason
  • Si e stòp di bati kuminsá reanim’é

kunstmatige beademing

 

REANIMASHON

Pa reanimashon mihó bo tin un hende mas huntu ku bo, ta bon pa bo hasié ku 2 hende. 1 persona ta enkargá ku e respirashon i 1 ta sòru pa masashi di e kurason. Reanimashon ta respirashon artifisial en kombinashon ku masashi di e kurason.

  • Sigui ku e respirashon artifisial ku 20-30 bia pa minüt
  • Pone bo dedenan i dùim na tur dos banda di e tabla di pechu tras di su èlebog. Serka bestianan mas grandi bo ta hasi uzo di bo man kompleto. Pusha mas o ménos 100x pa minüt ku forsa riba e pechu.
  • Na kada di 3 i di 5 bia bo ta duna e respirashon artifisial
  • stòp kada 90 sekònde pa kontrolá si e kurason ta bati normal òf ku su rosea tambe a normalisá
  • Sigui te ora su kurason i rosea normalisá
  • Bo por sigui reanimá te un máksimo di 15 minüt, despues no tin sentido pa sigui
  • Si e kurason i rosea stabilisá bai direktamente serka un veterinario pa mas tratamentu.

reanimatie

©Rescueracao, translation Denice Bezemer.

Like us @ Facebook