Si bo topa ku un animal ku ta heridá mester dun’é yudansa. Kiko ta e promé kosnan ku bo por hasi promé ku bo bai un dòkter. Paga tinu, esakinan ta algun kos ku bo por hasi pa yuda ku e promé asistensia pa bo por stabilisá un bestia, despues bo ta bai un dòkter SEMPER.

Reglanan básiko

  • Keda trankil
  • Yama un veterinario
  • Protehá bo mes i bo besindario pa evitá mas desgrasia, traha safe
  • Sòru pa bo no wòrdu mordé, di skòp òf huñá

Promé chekeo

  • Trakto respiratorio, sòru pa e trakto respiratorio ta liber, pone e lenga di banda, pafó di e boka.
  • Respirashon, wak na e pechu si tin respirashon òf pone bo orea na e boka pa bo skucha.
  • Sirkulashon, kontrolá si e kurason ta bati. Esaki bo por hasi di un manera fásil na parti paden di e bèl di pia patras. Serka kabai bo por hasi esaki na su kakumbein parti abou. Ei tin un ardu mayó ta kore kaminda bo por sinti e palpitashon di e kurason.
  • Inventarisá e heridanan i e situashon

Palpitashon normal di kurason den sosiegu pa minüt

  • Kachó chikí 70-120 batí
  • Kachó grandi 60-120 batí
  • Pushi 120-200 batí
  • Buriku 36 – 68 batí (promedio di 44) yu di buriku 60
  • Kabai 28-40 batí Yu di kabai 50-80
  • Kabritu 70-90 batí

Respirashon normal den sosiegu pa minüt

  • Kachó 10-30 bes
  • Pushi 20-40 bes
  • Buriku 12-44 bes (promedio 20) yu di buriku 28
  • Kabai 8-16 bes. Yu di kabai 24-30
  • Kabritu 12-15 bes

Temperatura normal den grado Celsius

  • Kachó 38-39
  • Pushi 38,5-39
  • Buriku 36,2-37.8 Yu di Buriku 37,6
  • Kabai 37,5-38 máksimo di 41 durante ehersisio. Yu di kabai 37,5-38,5
  • Kabritu 38,5- 39,5

©Rescueracao, translation Denice Bezemer.

Like us @ Facebook