Sa sosodé ku e kachó na momento ku e bin nobo serka bo e por ta tímido. Tin bia nan tin mal eksperensia den pasado òf nan no a keda introdusí na nada nunka lokual ku ta pone ku nan tin miedu di tur kos.

Dun’é algun dia di tempu pa e por opservá tur kos na su manera. Lag’é aklimatisá. Kos dushi di kome hopi bia ta traha manera milager. Mayoria bia djis si bo bai sinta banda di dje i lag’é kome kos dushi for di den bo man ta sufisiente pa e kustumá ku bo.

014
Jantje, hopi tímido dia el a bin

Pero tambe bo tin e kachónan koyon ku ta koyon te den nan igra…esakinan mester di nèt un tiki mas atenshon pa nan por surpasá e timides aki. E kos ku por fungi nèt kontrali ta si keda sin introdusié na kos nobo, esta si bo evitá di introdusié na kosnan nobo. Bou di preteksto bo no por saka kaya for di e kachó su kabes òf ai lag’é numa pasobra el a pasa den tantu kos kaba, ta keda sin hasi kos kuné. Esei ta piká, pasobra un yu di kachó ta hopi fleksibel i bo por hasi hopi den su formashon, ni maske su fundeshi no tabata bon.

Pensa un plan pa saka e angustia for di e kachó i bai trankil i traha di un manera gradualmente kuné. Kue pone riba bo skochi i huntu kuné bo ta wak e kosnan nobo. Hunga banda di kosnan ku ta spantoso hopi bia ta kita hopi tenshon. E arte ta pa bo buska e distansia korekto for di dje. Si e ta haña por ehèmpel na un distansia di 5 meter di un outo spantoso, i e ta trankil na un distansia di 10 meter e ora ei esaki ta e distansia ku lo bo tin ku kuminsá hunga kuné. Bo ta traha kuné te ora bo por gradua i bai na un distansia di 7 meter kuné i ora bo nota ku e no tin miedu mas bo ta bai un paso mas serka. Bo ta komprondé sí kiko mi ke splika. Pa kada be ku e logra e lokual ku bo ke logra serka dje, bo tin ku dun’é un rekompensa i dun’é rekompensa pa tur kos ku e hasi ku bo ke pa e hasi. NO korigié. Den e proseso di siña bo no ke mira niun aktitut di miedu òf strès. Si bo nota esaki, e ora ei abo komo trainer ke bai MUCHU ASELERA i bo tin ku tuma stap mas chikí. No oblig’é di hasi nada ku e no ke, si bo obligá mi di tene un kakalaka tampoko lo bo no logra nada serka mi siendo ku si bo hink’é den un pochi i nos ban wak e huntu i traha kuné kisas si lo bo por logra algu ku mi. Ora bo tin miedu bo no ta logra nada, pues krea e ambiente adekuá i bai kada be un stap mas leu. Tuma bo tempu i vigilá bon wak si bo ta mira señal di strès. Purba na minimalisá esaki. Tur lokual ku bo invertí aworakí lo bo risibí i mas ku esei despues.

 

©Rescueracao, translation Denice Bezemer. Like our  Facebook page

Advertenties