Kalkulá edat di un yu di pushi

Si bo a haña un yu di pushi òf un hende a duna bo un i bo no sa kon bieu e ta, e ora ei ta bon pa bo sa kon pa kalkulá su edat. Asina bo por dun’é e kuido adekuá i tambe e kuminda adekuá. Den e artíkulo aki bo ta haña informashon i sugerensia kon pa bo kalkulá presis e edat di un yu di pushi ora bo no tin un idea kon bieu e ta.

Net geboren
Yu di pushi resien nasí

Kalkulá edat por ta algu hopi ferfelu. Mi a yega di haña ku regularidat notifikashon di hende ku nan a haña un yu di pushi. Ora mi a yega mi a bin topa mi ku un pushi adulto yòn. Pero tambe e kontrali a yega di sosodé, ku hende ta duna notifikashon di un pushi adulto kaba ta resultá di ta un yu di pushi.

FB_IMG_1458267787436
10 dia bieu

Kalkulá edat ta algu importantísimo si bo topa yu di pushi ku bo no sa nan fecha di nasementu. Ta un diferensia grandi si ta trata di yu di pushi ku tin ku bebe na bòter òf yu di pushi ku tin mas o ménos 7 siman. Tin manera pa bo kalkulá e edat di un yu di pushi di un manera basta minusioso. Lokual ku si ta hunga un papel ta, ku mas bieu e yu di pushi ta, mas difísil e ta bira pa kalkulá.

Kiko bo por hasi?
Laga nos kuminsá na nan wowonan.
Si bo nota ku nan wowonan no a habri ainda, ta trata aki di pushinan hopi chikí. E wowonan ta habri na un edat di mas o ménos 7 pa 12 dia meskos ku nan oreanan. Promé ku esei nan ta siegu i surdu. Bo por bisa e ora ei ku siguridat ku nan no ta mas bieu ku 12 dia.

3 weken.
2 siman

Ora nan wowonan habri e ta bira un tiki mas difísil pero ainda bo por saka informashon di e wowonan. Den e promé periodo ku e wowonan ta habrí, nan tin un koló blou profundo. Solamente e pret’i wowo ta pretu. Esaki ta keda asina te ora e tin mas o ménos 6 siman. Si e wowonan tin un otro koló bo por bisa ku seguridat ku nan ta mas bieu ku 6 siman.

3 weken
3 siman

Despues di nan di 6 siman di bida nan wowonan ta kambia di koló. Hopi bia bo ta nota ku esaki ta sosodé di paden, rondó di e pret’i wowo, bin pafó. Ora nan tin 7 siman e wowonan a kambia di koló por kompleto. Hopi bia bo ta mira un koló maron òf bèrdè, esaki ta konta tambe pa e pushinan ku despues di tempu ta bolbe haña wowo blou lokual ku e lo keda kuné pa restu di su bida. E por tuma mas o ménos un aña pa e yu di pushi haña e koló di wowo ku lo e keda kuné pa restu di su bida. Ke men ku e wowonan di un yu di pushi ta bisa bo hopi sin ku bo tin nodi di mishi kuné.

Laga nos ban sigui wak.

No ta solamente e wowonan por bisa nos algu di e edat. Lokual ku por bisa nos mas di un yu di pushi i su desaroyo ta su peso. Esaki por ta hopi eksakto si bo sa ta di kua rasa e ta. Ora bo haña yu di pushi no nesesariamente bo tin ku sigui e skema. Pero sí bo por hasi uzo di e diferente indikashonnan.

2016-03-29

E djentenan di un pushi tambe por duna bo indikashon di e edat di e yu di pushi. Esaki por ta un tiki mas difísil pa mira si bo no tin eksperensia ku yu di pushi. Banda di esei ta difísil pa wak den e boka di e pushi si e no a kustumá ku hende i lo e purba bringa bo òf te hasta morde bo. E djentenan ta hopi skerpi i si e ta un tiki mas grandi e tin hopi forsa den su kakunbein. Mi ta deskonsehá bo di bai wak den su boka si bo ke kalkulá su edat. Si bo ta duda hopi bo por laga un veterinario wak e djentenan pa bo.

4 weken
4 siman

Un kos chikí mas.

Yunan di pushi ta bai kuminsá kome riba nan mes ora nan yega e edat di 4 pa 5 siman. Ta bon pa den komienso traha un papa pa nan di e lechi di pushi i kuminda di pushi di bleki òf kuminda di pushi seku ku bo a laga para freska den e lechi. Na e edat aki nan ta kuminsá bebe awa tambe i e ta kuminsá hasi uzo di e baki pa hasi su nesesidat den dje! Promé ku esei nan ta dependé por kompleto di lechi di mama òf lechi spesial pa yu di pushi ku mester ta di bon kalidat.

5 weken
6 siman

(E informashon ariba i e skema ta di e “entrenadó di yu di pushi” pa kual nos ta masha gradesido, e potrètnan tur ta di “rescue kittens” for di mi kolekshon)

©Rescueracao, AvB. translation Denice.