Un bestia ku tin problema pa hala rosea ta drenta den pániko i ta trese kuné un situashon masha difísil den kua bo tin ku tene kuenta ku bo mes siguridat.

  • Habri su boka i saka e lenga règt afó
  • Wak si bo ta mira un opheto den su boka òf garganta
  • Saka e opheto aki solamente hasiendo uzo di un pinsèt òf un tan
  • Wak masha bon pa bo no push’é mas leu den su garganta
  • Si bo mes no logra di sak’é bai un veterinario inmediatamente

Riba hopi página nan ta proponé tur tipo di método manera dal entre di su skoudernan, hisa e patanan di patras òf hasi e maniobra di Heimlich ku nan. Sa ku esakinan ta aktonan ku ta peligroso pa hasi si bo no sa kiko bo ta hasi òf kon pa hasi nan.
Tin bia un bestia por ta stek dor di un reakshon alèrgiko riba algu. Karakterístika di esaki ta preshon masha abou, problema ku halamentu di rosea i/òf hinchamentu. Un situashon peligroso ku ta eksihí un bishita na e veterinario.

©Rescueracao, translation Denice Bezemer. Like us @ Facebook