BD Injection SystemKada un bestia tin e nesesidat di sierto kuido médiko, prevenshon pa evitá ku nan ta bira malu. Prevenshon pa mantené nan mas salú ku ta posibel. Nos ta buta e kosnan básiko bou di otro.
Pushi i yu di pushi:

  • Deshasí di bichi na e edat di 4-6 i 8 siman despues kada 3 luna
  • Karpata/pruga dependiendo di ki produkto bo ta hasi uzo di dje, wak kiko ta preskribí riba e paki
  • Pasa angua na edat di 6 i 9 siman despues tur aña
  • Chip pa registrá i registrashon den e base di dato
  • Sterilisá/kapa na edat di 3-6 luna
  • Kontrolá ku regularidat e djentenan pa evitá problema
  • Peña i skeiru ku regularidat pa evitá problema ku e lana
  • Sòru pa e kuminda adekuá ku ta kumpli ku e nesesidatnan di bo pushi pa loke ta trata su nutrishon i edat
  • Sòru pa material kaminda e por sleip su uñanan
  • Un baki pa e hasi su sushi limpi i un ambiente limpi

Kachó i yu di kachó:

  • Deshasí di bichi na edat di 2-4-6-8 siman despues te ku su di 6 luna tur luna. Despues di 6 luna 4 bia pa aña
  • Bichi di kurason 1x pa luna
  • Pruga, karpata i pieu, dependiendo di kua produkto bo ta uza sea tur siman, tur luna òf un bia kada 3 luna
  • Pasa angua na edat di 6-9 i 12 siman, despues ora nan tin 12 luna un angua kòktel grandi, na edat di 2 i 3 aña kòktel chikí, ku 4 aña kòktel grandi atrobe anto asina ta kontinuá
  • Rabies for di ora nan tin 12 siman, òf 30 dia promé ku nan bai eksterior. Kòrsou no tin kaso di rabies pues e no ta nesesario pa pasa angua kontra di dje ku eksepshon ora bo ke bai eksterior ku nan. Pa otro pais wak e lokual ku kada lugá ta eksihí.
  • Kennelhoest (malesa di tosamentu di kachó) 1x pa aña, solamente si e kachó ta bai keda na un hotèl pa kachó, training, show òf ku e ta bai Sali ku servisionan di keiru ku kachó
  • Sòru pa chip e pa registrashon i registr’é den e base di registrashon.
  • Sterilisá/kapa na edat di 6 luna
  • Problemanan di kueru manera algun lugá bashí sin lana òf kaska semper akudí na un veterinario pa kontrolá si por tin parasit ku mester di tratamentu
  • Kontrolá e djentenan ku regularidat pa wak si tin piedra i laga kita esaki na tempu
  • Vigilá e uñanan i (laga) kòrta nan si nan ta muchu largu
  • Ku regularidat peña, kòrta/ piki (pluma) e lana ta evitá kònòpi i problemanan ku e kueru
  • Laba ku shampu 2 bia pa aña, despues di landa den awa salu hawa ku awa zut
  • Sòru pa kuminda adekuá ku ta kumpli kompletamente ku e nesesidat di nutrishon teniendo kuenta ku edat di e kachó
  • Sòru pa sombra durante dia i un lugá pa skonde pa áwaseru
  • Kontrolá su banchi ku regularidat pa e no ta muchu pèrtá
  • Ambiente limpi sin pupu di kachó

Kabai i buriku:

  • 1x pa aña pasa angua kontra di tétano
  • Sí ta trata di grupo den stal i/òf di partisipashon na kompetensia 1x pa aña mester pasa angua kontra di equine influenza
  • Smet tin ku atendé ku su patanan kada 5 siman
  • Kontrolá djente i veila djente 1x pa aña
  • Deshasí di bichi 1 bia pa aña ku un kombinashon di remedi konteniendo Praziquantel kada 3 luna mester hasi un saminashon di su sushi na servisio veterinario (kosto ta mas o ménos fl. 5,00). Si bo tin bo kabainan huntu ku bo burikunan ta di suma importansia pa mantené bo na e skema di deshasí di bichi pa e buriku pasobra ta importante pa evitá e bichinan di pulmon ku buriku ta karga kuné. E bichinan aki ta sumamente peligroso pa kabai. E buriku tin ku haña tratamentu kontra di bichi kada 3 luna.
  • Sòru pa kuminda adekuá ku ta kumpli ku su nesesidat total pa un kabai/buriku.
  • Sòru pa sufisiente sombra den dia i un ambiente limpi

Lora i otro para:

  • Bichi. Lora i otro para tambe por tin problema ku bichi, ta bon pa laga kontrolá nan sushi 1-2 bia pa aña bou di un mikroskop.
  • parasit di kueru. Ku regularidat paranan sa tin problema ku e parasitnan aki. Si bo ripara ku bo para tin sierto karakterístikanan ta bon pa bishita un veterinario, manera: intrankilidat, grawatá hopi, piki den e plumanan, plumanan mahos riba e kabes, plumanan ku ta kai, plumanan ku no ta krese, pik di kalki, kalki na e patanan, manera wiriwiri shinishi rondó di e pik, ta zona manera e tin sleim, hers, sakudí ku kabes i kansá
  • Vigilá e uñanan i kòrta esakinan si ta nesesario. Sòru pa tin material pa e para mes sleip uña i pik.
  • Duna e paranan tur dia un posibilidat pa nan por baña
  • Duna nan kuminda adekuá pa nan tin un variashon salú den forma di kuminda seku i fruta i berdura fresku.
  • Sòru pa sufisiente sombra i un ambiente limpi

Konènchi:

  • Riba tera firme mester pasa angua 1 bia pa aña kontra di VHD i Myxomatose.
  • Kontrolá ku regularidat si nan tin pruga i otro tipo di parasit. Paga bon tinu ku produktonan kontra di plaga serka kachó i pushi NO ta bon pa konènchi.
  • Kontrolá e djentenan tur luna si nan ta krese skeins, si esaki ta e kaso laga un veterinario kòrta nan
  • kòrta e uñanan ku regularidat
  • Kuminda riku na fibra, hoi, kuminda bèrdè adekuá i sufisiente movishon ta evitá problemanan ku tripa
  • Sòru pa sombra den dia i un ambiente limpi

©Rescueracao, translation Denice Bezemer. Gradesido na yudansa di Tamara Nuijten, Tineke Alberts, Miriam Bleeker

Like us @ Facebook

Advertenties