Kuminda di lora lamentablemente no ta un siensia eksakto, riba e tereno ei lo mester hasi hopi investigashon ainda. Asina mes tin algun kos ku sí nos ta na altura di dje. Kosnan di importansia ku ta yuda tene bo para salú.

IMG_5870
Potrèt di Sylvia van Dijk LSVD Photography

Si bo wak e diferente manera di kome den naturalesa bo ta mira ku e ta hopi variá. Tur kos ta fresku i dushi salú. Awor e manera di kome ei ta difísil pa kopia pero ku un tiki kreatividat nos lo por yega leu. Nos ta spera di por mobilisá bo ku e artíkulo aki di stòp di duna e paranan solamente e simianan ku ta duna nan komo nan dieta lokual ku mayoria bia ta e kaso. E kuminda di lora aki lamentablemente no ta salú i ta okashoná hopi problema di salú serka nan. Konsiderá esaki komo mangelnan ku ta hasi e paranan gordo, alimentashon ta algu ku apénas e ta kontené. Kuminda den forma di pipita produsí ta yega serka banda di un dieta adekuá pero ta hopi laf pa kome. Nos ta preferá un kuminda varia ku hopi berdura, fruta, grano, simia, nechi, diferente sorto di bonchi, aros brùin, pasta integral, sea kaská òf herebé, kurú òf di stom. difísil? Niun tiki, bo por prepará esakinan den porshonnan grandi i warda esaki den bo vrizer. Ideal i super saludabel!

Na proporshon e kombinashon mester ta eksistí di 35% bonchi, 25% grano i simia 40% berdura i fruta

Grano:

Skohe algun sorto di grano i pone nan freska un anochi den awa friu, siguiente dia bo ta skoré, spul’é i ku awa limpi bo ta herebé pa 8 minüt. Skoré i lag’é fria. (Si bo ta hasi uzo di aros òf pasta kushin’é manera ta instruí riba e paki).

E tipo di grano ku bo por hasi uzo di dje: trigo, haver, maishi chikí, quinoa, hènep, aros brùin, maishi, pasta integral. Na un prinsipio bo por hasi uzo di tur tipo di grano ménos puspas gròf.

Bonchi:
Skohe algun tipo di bonchi i laga nan freska un anochi den awa friu. Siguiente dia ta skoré, lab’é i pone kushina ku awa limpi pa mas o ménos 10 minüt. Skoré i lag’é para fria.

Bonchi ku bo por hasi uzo di dje ta: azuki, lenteha, garbanso, bonchi wowo pretu, yerba di nasigóren, bonchi soya, bonchi maron, pretu, pinto, kòrá etc. òf pa mas fásil bo por buska e miksto di 13 tipo di bonchi na supermerkado. No hasi uzo di e bonchi fava kurú. Si bo ke pela e bonchi, hasi uzo solamente e ora ei di azuki, lenteha i garbanso.

Berdura:
Skohe un kantidat variá di berdura i blèndu e hasié sea na pida chikí òf un papa. E ta algu agradabel si bo por varia ku e sortonan pa un kambio segun ku e temporada ku berdura ta optenibel. Berdura bo por dun’é fresku òf un tiki herebé/di stom. Fresku e tin mas balor nutritivo. Batata sí semper mester herebé.
Berdura ku bo por hasi uzo di dje: spruitjes, blumkol, knolselderij, blachi di paardenbloem, vènkel, yerba di wòrtel, wòrtel, promèntè, zucchini, espárago, tur tipo di bit, kònòlchi, collard i turnips, pampuna, e rais di boerenkol, broccoli, batata dushi, yuka, spinazi, èrtu, maishi, konofló i siboyo pero limitá, promentòn. Bo por bisa ku por hasi uzo di tur tipo di berdura, sigur e berdura nan ku blachi skur ta masha saludabel. No hasi uzo si di blachinan di rabarber, berdura di bleki òf pochi, òf blachi kròpsla. Berdura di vris si bo por hasi bon uzo di dje.

Fruta:
Por hasi uzo di tur tipo di fruta ku eksepshon di awakati. Awakati ta sumamente venenoso pa lora. No hasi uzo di fruta di bleki, e ta kontené masha hopi suku. Fruta seku si por uza, pero limitá. Kòrta e fruta na pida chikí òf batié hasié un papa gròf.

Tipo di fruta ku bo por hasi uzo di dje: apel, drùif, chèri, milon, papaya, nektarina, pich, pera, frambuesa, stròbèri, bakoba, kiwi, mango, anansa i tur oro kos ku bo por haña di kumpra den e temporada ei.

Otro añadishon:
Simia, pinda freská na pida, yerbanan di kurá fresku manera teim i romero òf un tiki gèmber. Sobra de bes en kuando por añadí algu di webu herebé òf piska herebé ku no ta hasi daño.
Ora kaba di prepará tur kos i fria tur kos por brua tur den otro. Bo por repartié e ora ei den porshon chikí i warda nan den vrizer. Hèndi ta ku bo tin kuminda asina pa un luna (òf mas) ku ta saludabel wardá den bo frishidèr. E meskla ku a difròst ta keda bon pa mas o ménos 3 dia. Bo por skohe tambe pa e grano, bonchi i berdura mesklá anto e fruta i simia bo ta pone fresku ariba. No tin mag di kenta e meskla mas.
Duna un lora kuminda 2 bia pa dia, den naturalesa nan ta kome mainta i anochi anto durante dia e ta prosesá e kuminda den tur trankilidat. No laga e kuminda para mas largu ku 2 -3 ora pasobra e ta daña. Benta e sobrá afó i laba e baki bon ku awa kayente ku habon. Sòru pa awa fresku tur dia.

Lokual ku lora NO tin mag di kome: 

  • awakati/guacamole
  • alkohòl
  • karni kurú/ karni
  • produktonan trahá ku lechi (ku eksepshon di yogurt sin vèt òf keshi)
  • kafeina
  • aspartam
  • chukulati
  • blachinan kurú di rabarber
  • bonchi fava kurú
  • junkfood
  • kuminda salgá
  • kuminda zut
  • kuminda vèt
  • puspas gròf
  • berdura òf fruta for di bleki òf pochi

 

©Rescueracao Epvdk, Potrèt Sylvia van Dijk