E komportashon di un buriku ta parsialmente determiná genétikamente i ta keda formá pa lokual ku e animal a siña òf eksperensia. Konosementu di esaki ta yuda bo komprondé e komportashon mihó di un buriku. Ku ki órgano un buriku ta opservá su besindario?

ezelsoogWowo:

Burikunan tin un bon bista, tambe den skuridat i nan tin e abilidat di por mira kos djaserka i di aleu skèrpi. Nan por rekonosé otro miembro di nan grupo na distansia basta reimu. Semper nan ta para ta wak kiko ta pasa di buriku òf kabai banda di nan riba kaya.

Orea:

ezelsoorE distansia ku nan zonido por logra alkansá ta pone nos yega na e konklushon ku nan lo tin un oido basta bon.

Abilidat di purba, olfato i smak:

Nan ta masha kaweta. Nan ta investigá tur kos deskonosí ku nan lepnan, nan ta hole n’e i purba di dje i asina nan ta determiná si ta algu ku nan por kome.

Ku ki medio nan ta komuniká?

Zonidu:

E zonidu típiko di un buriku ta lokual ku yama na Ulandes “Balken” (Papiamentu di Kòrsou grita, i di Boneiru òf Aruba ronka). Bo por tendé djaleu. E ta duna informashon tokante di e estado di e buriku ku ta grita i pa mantené su koherensia den e grupo. E posishon di e orea tambe ta duna un otro nifikashon na e gritamentu. Si ta kuminda ta kuminda e posishon di e oreanan ta un tiki mandá patras. Ora ta trata di un desafio e oreanan ta plat mandá patras i ora ta trata di relashon seksual e oreanan ta règt na laria òf te hasta mandá dilanti.

Den naturalesa e machu di mas dominante ta grita mas. Esnan ku no ta na kabes ta grita ménos i nunka den besindario di e machu dominante. E burikunan muhé òf e yunan kasi nunka no sa grita, solamente si nan ta apartá di e grupo. Burikunan ta grita mayoria bia ora ta nan ora di kome i ora nan tende otro buriku.

E burikunan muhé ta grita ora nan ta fèrtil. Banda di e gritamentu bo ta tende buriku ta gruña i bisa ochi ora nan ta rabiá. Nan ta sneif i supla ora nan ta aliviá, sinti desgusto, eksitá òf ora nan tin iritashon di nanishi i un kehamentu abou ora e ta buska kompania.

Advertenties