Mi nòmber ta Esther Platell- van der Kleijn. Mi a nase i lanta na Hengelo. For di tempu mi tabata mucha chikí mi tabata gusta bestia. Semper nan tabata manera un liña kòrá dor di mi bida. Komo mucha kaba mi tabata duna yu di para kuminda i mi tabata tin djaka mansu. Mi a traha for di trempan kaba na un “kinderboerderij” i un veterinario.
Semper mi tabata deseá un kachó, pero sobra di famia no tabata ke esaki. Ke men manera mi a kumpli 18 aña mi a bai biba riba mi mes i dirèkt despues mi a bai e asil den besindario i kumpra un kachó. Un so mi tabata haña tristu i den ménos ku mei aña mi a buska e siguiente. Tur dos tabata kachó ku a bin ku problema di komportashon anto asina mi amor pa train kachó a nase. Despues di a bai lès ku mi kachónan, mi a bai sigui e kursonan pa bira trainer i eksperto den komportashon di bestia. Tempu ku mi a kumpli 20 aña mi a duna e promé lès na un asosiashon di kachó. Algun aña despues mi a kuminsá ku mi mes skol pa kachó na Almelo.

20131005_2158
Ami ku Faya Mila i Eefje

Na aprel 2011 nos a muda bin Kòrsou. Tabata un desafio nobo ku nos tabata anhelá den nos bida. Siña biba un otro kaminda na mundu. Algu kompletamente distinto, train “zeeleeuw”. Un ratu asina sin kachó, òf training di kachó….hahaha esaki no a dura largu. Den korto tempu mi a kuminsá atrobe ku e skol pa kachó BEHAVE, mi tabata duna training atrobe, mi a bira un di e hendenan ku ta kuida kachó pa Carf i pa “Dierenbescherming”, i mi tabata traha pa tur dos e fundashon nan aki. kachó, kachó, kachó 24-7. Tabata tin mas o ménos 70 kachó, adulto i yu di kachó, ku a keda serka nos na kas. Algun un par di dia i otro algun siman te algun luna. Tabata tin momento ku nos tabata tin 10 òf mas kachó den kas. Mayoria a haña un kas i algun a keda.
For di yüli 2015 nos a muda di Kòrsou i bai biba na Alemania na Lonau i awor nos ta biba meimei di e parke nashonal Harz. Nos tin 7 kachó, di kua 6 ku a keda reskatá na Kòrsou. Tambe nos tin 2 pushi i un Cura rescue Lora.
E skol di kachó BEHAVE!
Despues ku mi a hal mi diploma komo trahadó sosial pedagógiko i ku mi a traha algun aña riba e tereno aki mi tabata kier a traha no solamente ku hende pero tambe ku bestia. Un soño tabata pa trese e dos terenonan aki di trabou huntu. Traha ku hende i bestia.
Mi a sigui i kaba ku éksito mi estudio pa trainer na “Nederlandse vereniging voor instructeurs in hondenopvoeding en –opleiding”. Banda di esei mi a sigui e estudio di eksperto riba tereno di komportashon di kachó ku ta un estudio na nivel di HBO na instituto Hall. Komo ku training di kachó ta algu ku ta sigui den desaroyo, ta masha importante pa sigui ku e desaroyo nobonan tambe i téknikanan nobo. Pa mi por kumpli ku esaki mi ta sigui training tambe na “CPDT-trainingen (i tur e training nan ku ta kontinuá) na Ethology Institute Cambridge. Banda di training di kachó mi tin un otro pashon, lora. Na e momentu aki mi ta siguiendo training pa mi por train lora na un manera profeshonal.

For dia aña 2000 mi ta duna lès na e asosiashon di Kínologo na Almelo. Na 2007 mi a kuminsá ku e skol pa kachó “Good Fellows”. Por a sigui lès den grupo, privá, lès di komportashon i workshop ta wòrdu duná.
Mi a duna guia na diferente asil den e aria variando di duna guia na kachónan ku problema di komportashon serio te na duna lès na e personal riba e tereno di training pa kachó i kon ta rekonosé e diferente tipo di karakter serka kachó. Danki na e posishon aki tin hopi eksperensia riba e tereno kon ta guia kachónan ku a muda di un famia pa otro i tambe di kachónan di kaya ku a bin di Spaña.
Tambe mi a duna lès komo un invitado spesial na e Sentro di skol regional na Almelo i mi a duna lès na studiantenan ku ta siguiendo e skol di kuido, pa asina e studiantenan aki por rekonosé sierto komportashon di kachó ora nan bai traha pa asina nan por traha di un manera sigur. Tambe mi a duna edukashon na skolnan di fundeshi pa asina e muchanan por haña konosementu di e idioma di kachó pa evitá mas tantu ku ta posibel pa kachó morde nan.
Despues ku mi a muda bai biba Kòrsou mi tabata traha na Seaquarium kaminda mi tabata duna training na zeeleeuw. Pero aki nos no a topa otro masha. Anto asina mi a bolbe bai bèk den mi training di kachó.
E último añanan mi tabata aktivo bou di e nòmber skol pa kachó Behave! Na Kòrsou kaminda banda di e training nan ku nos tabata duna mi tabata atendé hopi ku a kachónan di kaya. Banda di e kohementu di e kachónan for di kaya i tambe sòru pa nan haña alohamentu na kas i na kas di otro hende pa kuida nan mi tabata traha tambe riba rehabilitashon di e kachónan aki pa asina nan por bira kachónan ku por keda adoptá. Esakinan tur den koperashon ku e diferente organisashonnan di reskatá na e isla. Pa motibu di e koperashon aki e spesialismo pa kachónan troumatisá, i no sosial i tambe kachónan sumamente tímido por a intensivá.
©Rescueracao. Like our Facebook page

Diploma ta di suma importansia, sigur kaminda ta trata bienestar di individuo ku por ta den peliger. Edukashon ta importante pa tur hende. I esun ku ta dun’é i pa esun ku ta les’é.