Komo un mucha muhé di Limburg mi a lanta meimei di bestia na un manege. Mi mayornan a konta mi ku semper, despues ku mi a siña gatia, mi tabata bai drenta den e makutu di drumi di nos Tekkel pa mi bai drumi banda di e kachó pa bras’é i karisi’é i drumi un ratu.

Despues ku mi a kaba mi estudio di “International Business”, mi a disidí di bin biba na e isla ku mi a kore stazje, Kòrsou. Mi ta bibando aki ya kaba pa 7 aña huntu ku mi amigu Chello nos ta e mayornan orguyoso di 6 kachó ku por ta un tiki baldadi i 2 morkoi masha bon mucha.

Mi stima tur bestia, mi ta trata mas tantu ku ta posibel pa yuda e bestianan riba kaya i mi ta trata mas tiki ku ta posibel di konsumí produktonan di animal. Mi ta spera ku pa medio di mi aporte chikí na e wepsait aki lo mi por yuda drecha bida di e bestianan na Kòrsou i tambe sobra di mundu i mi kier a gradisí tur hende di antemano ku ta lesa e informashon aki. Konosementu ta duna poder i huntu nos lo logra!

Ellis

Advertenties