dsc_4851
Billy, na promé instante no tabata mira nada òf kasi nada, awor ku el a krese e ta mira probablemente komo si fuera e ta wak kontinuamente den solo.

Den e 4 añanan ku mi a kuida kachó ku sierto regularidat mi a alohá yu di kachó ku sea ta siegu òf ku no ta mira bon. Ku un promedio di 1- 2 bia pa aña mi a haña unu. Un yu di kachó siegu no ta algu tristu i mayoria bia e por yuda su kurpa. Hopi bia bo no ta ni ripara ku nan ta siegu pasobra nan ta kore hunga i kue bògt mesun bon ku un yu di kachó ku si por mira. Hopi bia bo ta ripara na kos chikí. Tin ora nan ta kana dal frontal den pia di mesa. Tambe mi a ripara ku nan ta bira rònchi ora nan ta bèk. Nan ta kana di un manera un poko pekuliar, si bo paga tinu bon bo ta nota ku nan ta kana manera ta sòldá di staña nan ta. Ora nan hisa nan pia dilanti nan ta his’é nèt un tiki mas haltu dilanti ku pia di rèk. Asina nan por sinti ku tin opstákulo den nan kaminda.

Nos a yega di tin yu di kachó ku despues di tempu a haña algu di bista, òf tabata tin ku na promé instante no tabata mira nada i despues di tempu a bin haña nan bista sin niun problema i tambe tin ku ta keda siegu. Miéntras bo no keda kambia bo interior di kas lo bo evitá dalmentu kontra di kos den kas. Trata un yu di kachó meskos ku bo ta trata tur otro. No bai defendé mas ku otro. Nan tin ku siña biba ku nan hèndikèp, pa despues e no tin molèster di dje.

Lokual ku bo tin ku tene kuenta kuné ku kachó ku ta surdu/siegu ta ku nan no por tende/mira bo aserka. Ora nan ta drumi por ehèmpel òf nan ta eksplorá nan besindario nan lo por spanta si bo mishi ku nan. Un konseho ku mi por duna ta semper laga nan sa dor di uza bo stèm ku bo ta den nan besindario i ku bo ta bai mishi ku nan ora nan ta siegu anto bati man òf bati pia abou ora bo ta aserka un kachó surdu. Asina tur por ta trankil.

img_5030
Mini tabata na promé instante siegu. Naturalesa a hunga un wega kuné i a sòru di protehá su wowonan na momento ku e tabata den situashon hopi deplorabel, despues di tempu tur kos a normalisá.

Yu di kachó surdu tambe ta eksistí. Esaki tampoko no ta un problema, solamente si bo mester pèrd’é for di bista i bo ke yam’é. Esaki nos a solushoná dor di pega un pal’i hilu na su banchi i siña un di e otro kachónan ora bo indiká esaki pa e bai buska e yu di kachó i pa e rank’é na e pal’i hilu pa hala su atenshon ku ta buskando e. Ora esaki sosodé bo ta duna e yu di kachó un rekompensa. Asina e ta siña ku ki ora ku ranka na e pal’i hilu e ta haña un kos di kome i lo e bin buska bo ki ora ku hala su atenshon asina.

Tambe nos a buska un banchi p’e ku tin un funshon di trel i nos a siñ’é ku ki ora ku e banchi trel e tin ku bin serka nos. Trelmentu ta nifiká rekompensa, nunka no bai korigié!! Yu di kachó surdu por siña tur komando hasiendo uzo di seña, esaki ta logra solamente si boso ta mira otro i tin atenshon pa otro.

Pa tur dos ta konta ku tin ku bai ku koutela ora ta buska un kas permanente pa nan.

©Rescueracao, translation Denice Bezemer. Like our Facebook page

Grabashon di Billy, bo por mira kon e ta kana manera sòldá.

http://

 

Mini tambe ta siegu i ta evitá e pia di mesa nèt na ora

http://

Advertenties