ezels bij mensen 2E promé habitantenan di Boneiru ta e indjannan Kaiketio ku a bin biba riba e isla for di Venezuela mas o ménos 1000 aña despues di Kristu. Restantenan di e indjannan aki bo por haña den forma di pinturanan riba barankanan den besindario di Onima na e parti ost di Boneiru. Na 1499 Alonso de Ojeda i Amerigo Vespucci a baha na Boneiru komo e promé Oropeano nan. Nan a tuma e isla for di e Spañónan  omo nan pertenensia. Komo ku na Boneiru nan no por a haña oro i tampoko e isla tabata adekuá pa plantashon e Spañónan no a mira un nesesidat pa forma un kolonia aki i nan a konsiderá e isla huntu ku Kòrsou i Aruba komo “islas inutiles”, Useless Islands. E indjannan ku tabata habitá e isla a keda transportá pa plantashonnan na Latino Amérika pa traha komo katibu.

ezels bij mensenNa 1526 e Spañónan a introdusí krio di bestia na Boneiru. For di e tempu ei tin buriku i kabritu ta biba den naturalesa na Boneiru. Segun e konteo di e bestianan bibu den 1762 tabata tin 3000 5000 kabritu, 2130 buriku, 360 kabai, 107 baka, 30 bisé, 234 karné en 56 lamchi na Boneiru. Unda ku e Spañónan a hòrta tera nan a sòru pa krio di bestia. Entre otro na tur e islanan den Karibe manera Aruba, St. Eustatius, St. Thomas, St. John, Neviss St. Croix. Via di Mexico a sòru pa a plama burikunan  or di Merka kompleto. Na Merka tabata hasi uzo di buriku den e industria di mina te dia a bin un fin na esaki. A laga e burikunan bai òf nan a hui, asina a bin un populashon  domestiká. Na e islanan den Karibe a hasi uzo di nan komo bestia di karga na kas òf den e industria di salu manera na Boneiru. Den e di dos guera mundial tabata tin na Boneiru un kampamentu di intrenamentu pa Aleman i tabata tin un base militar Merikano. Dor di esaki Boneiru a keda introdusí na outo i te ku mas o ménos 1950 a hasi uzo di buriku despues tiki tiki a kuminsá hasi uzo di otro tipo di transporte i no tabata tin mester di buriku mas i a laga nan den libertat na e isla.

auto versus ezel 1930 op Aruba
Buriku vs outo na Aruba 1950.

Aki bou bo ta mira algun potrèt di e frena ku tabata hasi uzo di dje tempu nan aya pa e burikunan hasi nan trabou, un hak na kua tabata kologá e bakinan di awa, algun stribu ku tabata kologá na e sia pa por kore e buriku i tambe e parti ku tabata bai den e boka di e buriku ora ke subié pa kore.

Tambe tabata marká e burikunan na dos lugá ku inisial di su doño.

 

Advertenties