Awor tòg e ta bai bira realidat, mi promé pasonan riba e kaminda di bira eskritor.
Laga mi kuminsá na introdusí mi mes. Asina nos por komuniká mihó. Mi nòmber ta Arina van Beers. For di aña 2002 mi ta biba na Kòrsou. promé ku esei mi a biba “gewoon” na Ulanda i mi a biba tambe 1 aña na Aruba. Ei mi gana di biba den un zona tropikal a lanta.
Mi ta biba huntu ku Bryan i mi tin 5 pushi i 2 kachó.

fb_img_14578991368521

Aki na Kòrsou mi a traha e promé 6 añanan den hospital. Mi ta un enfermera. Komo boluntario mi a yuda un amiga di mi den su penshon pa pushi i kachó.
Na Ulanda mi a duna training di kachó (training di obediensia i di abilidat) i henter mi bida largu kaba mi ta rondoná pa animalnan doméstiko. I e pushi semper tabata pará na promé lugá.

Despues di a traha 6 aña na hospital mi a haña e oportunidat di traha kontra pago serka mi amiga. Esei ta lokual ku mi a hasi. Mi tabata hasi e kuido di animalnan doméstiko na kas serka e hendenan, tabata duna training na kachó i mi tabata traha den e penshon, na kas tambe mi tabata tin 2 kènel pa e kachónan di penshon. Dia mi amiga a disidí di bai Ulanda i ku esei e hotèl di pushi, (e momento ei) e úniko eksistente a disparsé, mi a opta pa habri mi mes hotèl pa pushi banda di e alohamentu di kachó ku mi tabata tin kaba. Komo ku mi tin un amor enorme pa pushi e énfasis ta riba e bestianan aki. Lo mi no tabata ami, si mi lo no tabata kier a informá mi mes debidamente tokante di nan. Despues di hopi aña di edukashon propio, mi a bai un kurso di tokante terapia i komportashon di pushi i banda di esei mi ta hasi tambe e kurso kon pa mantené (kòrta) lana di pushi.

Kiko ta mi lenk ku e “movishon” di reskate na Kòrsou? Via di un konosí di mi, m’a haña e pregunta kon pa alohá yu di pushi sin mama. Nan tur, ni maske kon mi a buska informashon riba Internèt i ni maske mi intenshon tabata bon, a muri. Un siguiente nèshi di pushi a bolbe paresé…esei si a bai un tiki mas mihó i despues kos a bai manera deseá. Ta sosodé ku regularidat ku mi ta haña yu di pushi sin mama. Mi ta duna nan alohamentu na kantidat limitá, bou di titulo personal i segun mi propio forsa. Tin hopi okashon ku mi tin ku nenga.

Pa medio di mi artíkulonan mi ta spera di duna hende informashon bálido pa nan mes por sa kon pa atendé ku yunan di pushi (ku nan haña) i tambe kon pa kria pushi pero tambe tokante di komportashon di pushi por lo general.

“Feedback” lo mi apresiá i tambe si boso tin preguntanan spesífiko tokante sierto tópiko i boso ke mira esaki den un artíkulo gustosamente lo mi ke sa.
Mi ta deseá boso un ratu plasentero lesando e artíkulonan.

Arina