Holó:

kennismaking
Sera konosí

Sortonan similar individual ta rekonosé otro na nan aparensia, manera di produsí zonidu, holó di kurpa i na holó di e urina òf sushi. Si un buriku, sea chikí òf grandi, ke sera konosí ku bo, nan ta hole bo promé, nan ta supla un tiki i despues nan ta bin inhalá e holó di bo kurpa. Meskos ku ora kachó ta sera konosí ku bo, saka bo man afó, ei tin mas holó. Un buriku ta bin ku masha koutela, ku su nanishi promé, e ta bin sera konosí.

Flemen
Chifla

E machunan ta hole na e urina di e muhé i nan ta hala nan nanishi na laria. Esaki nos ta yama chifla. Dikon nan ta hole na e urina di e muhé? Nan ta rekonosé na esaki e estado di siklo di e muhé.

Aktitut:
E moda di hasi di un buriku ta pa krea sea distansia entre nan-aktitut di imponé- òf netamente e ke hala e otro mas serka di dje- aktitut sumiso.

imagesDor di e aktitut di imponé e ta alarmá e otro burikunan pa mantené distansia. Dor di menasa di morde òf dal, bo ta rekonosé esaki na e oreanan ku ta mandá patras i su garganta di stret. Mayoria bia e aktitut aki ta sufisiente pa kore ku otro buriku. Masha tiki bia e ta resultá den un bringamentu. Un menasa no tantu serio ku no ta resultá den bringamentu bo ta nota na e oreanan ku ta bin bèk den nan posishon original i ku esun menasá ta bira lomba pa su kontrinkante. Promé ku un buriku skòp, e ta hisa su pata un tiki i e ta waya ku su rabu.

Komportashon sumiso:

onderdanig
Sumiso

Hopi bia esaki ta e manera di buska kontakto ku e otro burikunan, un manera di sera amistat ku otro. Hopi bia e oreanan ta mandá patras, pero ora di e aserkamentu mes nan ta mustra dilanti. Ta kuminda otro dor di mishi ku e otro ku su nanishi. E ora ei e buriku ta bai kuida e otro su lana i kueru. Hopi bia nan ta pará esun ku kabes pa e otro su rabu pa kuida e otro su rabu. Aparte di kuido esaki ta e manera ku buriku nan ta konbibi ku otro òf ta trankilisá otro. Burikunan yòn i e chikínan ta hunga mayoria bia. Nan ta dedika hopi atenshon na esaki, asina nan ta eksplorá nan ambiente i tambe nan ta wak kon leu nan por bai for di bista di nan mama. Mas bieu nan bira, mas leu nan bai for di nan mama. E chikínan ta skop hungando, nan oreanan ta mustra dilanti na e momentonan ei, pero si nan mester hera na dal bo, bo ta sintié bon kla, lo bo sera konosí ku pianan ku yen forsa!

 

images (1)
Sosiegu

E komportashon sosial di un buriku ta dirihí riba mantenshon di un bida individual den un grupo, pa asina nan por sobreviví i sigui pro kreá. Pa e motibu aki buriku den naturalesa a desaroyá un tipo di patronchi di komportashon. Burikunan, kriá dor di hende, ta komportá di un manera kompletamente distinto. Tokante di esaki lo amplia despues riba dje.
Komo ku buriku ta kome mata, nan ta pasa mas ku mitar di nan dia en buska di kuminda. Nan no ta bebe mashá, de bes en kuando nan ta bebe awa, pero ora nan bebe nan ta bebe mas o ménos 10 liter riba un dia. Nan ta konservá nan energia dor di kana trankil, si nan kore ta pasobra nan ta agitá òf ta pa motibu ku nan ta eksitá (yunan ku ta hunga) i nan ta kore den galòp solamente ora persiguí nan. Sosegá nan ta sosegá na e momentu di mas kalor di dia, nan ta skonde dushi asina den sombra òf tin ora den solo kayente, mayoria biaha nan ta para ketu, nan ta lòk un pia patras i anochi nan ta preferá di drumi abou.

rollende ezels
Lora

Buriku gusta lora den tera mas tantu ku ta posibel, esaki ta nan manera di kuido di nan kueru. Esaki nan ta hasi pa deshasí nan mes di sodó, kabeinan lòs i parasit. Ora e lugánan pa grawatá ta keda fuera di nan alkanse, nan ta skohe sierto atributo òf otro bestia pa skür kantu di dje. Buriku ta yuda otro tambe den kuido di kueru, manera anteriormente deskribí, nan ta kuida otro. E mamanan ta kuida nan yunan i e machunan ta kuida e muhénan ku nan lo ke pro kreá kuné. Esaki ta kos ku por tuma su tempu. E loramentu abou hopi biaha ta sosodé den otro su kompania, nan ta krea nan mes lugá di lora abou dor di lanta tera ku nan pata dilanti riba un pida tereno bashí.

Buriku ta preferá di oriná òf hasi nan sushi na lugánan ku ta keda riba distansia for di nan lugánan di sosiegu i tampoko nan ta kome den besindario di kaminda tin nan sushi, hopi biaha nan ta hasi nan sushi den kompania di otro, òf un tras di otro, asina nan ta purba di tapa e sushi di e otro buriku. Otro kos ku nan ta hasi ku nan sushi ta tapa bestia morto. Asina nan ta deshasí di e holó di morto. E machunan ta produsí masha hopi sushi, esaki ta pa asina nan por laga e otro machunan sa di nan presensia.

vechtende ezels
bringa

Buriku ta evitá di bringa, nan ta evitá esaki dor di menasá mas tantu ku ta posibel, kalma, kana bai i midi forsa. Nan ta midi forsa dor di pusha otro ku kabes kontra di kabes òf nan ta lora e gargantanan rondó di otro. E táktika ku nan ta hasi uzo di dje ta dependé di e posishon di esun ku ta ataka i tambe di e sirkunstansianan. Sí akaso bin bringamentu ta trata hopi biaha di dos machu ku tin e mesun posishon i ku tin mes tantu forsa. E bringadónan mayoria biaha ta morde e klinanan, orea i garganta. Pa e motibu aki bo por mira hopi bia buriku ku mitar orea òf ku herida grandi na garganta. E pelea ta stòp na momentu ku un di nan entregá i hala atras esun ku a pèrdè hopi bia ta keda pèrsigui pa un distansia basta largu. Esaki tambe ta lokual ku ta okashoná hopi desgrasia na Boneiru.

chroomen
Kuido di kabei i kueru

©Rescueracao MJ, translation DM